Do 6 ao 20 de outubro tivemos no instituto a exposición “SEN CANCELAS. MEMORIAS DO ARCO DA VELLA EN GALICIA”, una exposición itinerante que percorrerá centros educativos galegos. O Consello da Cultura Galega prestounos esta exposición na que se fai un percorrido sobre a diversidade para fomentar o respecto ante a diversidade sexual e de xénero.
O venres 14 de outubro, o alumnado de Física e Química de 1º de BAC B e C participou no taller científico “Explorando a cosmética… con Ciencia”. O alumnado de 1º BAC A participará no mesmo o día 26 de outubro. No taller, o noso alumnado creou cremas hidratantes e bombas de baño e estudaron as variables que inflúen nos resultados obtidos. Antes desta parte práctica, os investigadores de CINBIO que nos ofreceron o taller, explicaron como funciona un proceso de investigación e fixeron un breve repaso ao método científico e á importancia de traballar con rigor e seguindo unhas metodoloxías concretas.
CINBIO (Centro de Investigacións Biomédicas da Universidade de Vigo) está a organizar estes obradoiros para dar visibilidade ao labor dos investigadores e investigadoras e fomentar as vocacións científicas entre o alumnado.
A actividade estivo a cargo de María del Carmen Costas Lago e Marta López Pico, profesoras do departamento de Física e Química do instituto.
Desde a Concellería de Igualdade , xunto co Consello Municipal da Muller, organizan distintos actos no mes de novembro e decembro con motivo da conmemoración do 25N, Día Internacional da eliminación da violencia que se exerce sobre as mulleres.
Baixo o lema “Libres e feministas contra as violencias machistas” organizan os seguintes actos na cidade: proxeccións dos filmes “Volar”, “Custodia compartida”, proxección das curtas “Miente” e “16 de decembro”, representación de obra de teatro “Comando Comadres”, concerto a cargo do grupo “A banda da loba”, EnlazaVigo contra a violencia de xénero, e as xornadas formativas que terán lugar o día 30 de novembro e 1 de decembro.
Para asistir ás xornadas formativas é necesario realizar inscrición previa, enviando cuberto o formulario que podedes descargar en formato editable na páxina web http://igualdadevigo.org e envialo a xornadas.igualdade@vigo.org
